En virtude do establecido nos artigos 8, parágrafo terceiro, e 9.1 da Lei 6/1995, do 28 de xuño, pola que se crea o Consello Económico e Social de Galicia (DOG n.º 133, do 12 de xullo), e nos artigos 8 e 10 do Regulamento de réxime interno deste (DOG n.º 114, do 11 de xuño de 1996), e de acordo coas propostas efectuadas pola Confederación de Empresarios de Galicia, do 27 de febreiro de 2012, e pola Universidade da Coruña, do 7 de marzo de 2012,
DISPOÑO:
Artigo 1.
Nomear membro titular do Consello Económico e Social de Galicia a Gabriel García Aparicio, en representación da Confederación de Empresarios de Galicia.
Artigo 2.
Nomear membro titular do Consello Económico e Social de Galicia a Amalia Blanco Louro, e como membro suplente a Ángel Fernández Castro, en representación da Universidade da Coruña.
Santiago de Compostela, quince de marzo de dous mil doce.
Alberto Núñez Feijóo
Presidente