A aprobación da relación de postos de traballo do Consello Galego de Relacións Laborais xustifícase polas necesidades organizativas e funcionais do organismo.

En consecuencia, por proposta do Consello Galego de Relacións Laborais, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 29 de marzo de 2012, adoptou o seguinte

ACORDO:

Primeiro. Apróbase a modificación da relación de postos de traballo do Consello Galego de Relacións Laborais, nos termos que se sinalan no anexo a este acordo.

Segundo. Ordénase a publicación desta no Diario Oficial de Galicia para os efectos da súa entrada en vigor a partir do día seguinte ao da súa publicación.

Visto o acordo adoptado polo Consello da Xunta de Galicia na súa reunión do 29 de marzo de 2012, relativo á aprobación da relación de postos de traballo do Consello Galego de Relacións Laborais, coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.

Santiago de Compostela, 30 de marzo de 2012.

Elena Muñoz Fonteriz
Conselleira de Facenda