O Pleno municipal en sesión que tivo lugar o día 23 de marzo de 2012, de conformidade co disposto no artigo 237 da Lei 9/2002, do 30 de decembro, de ordenación urbanística e protección do medio rural de Galicia, prestou aprobación inicial a un convenio urbanístico con varios propietarios para posibilitar o desenvolvemento urbanístico na rúa Daniel Cortezón de Ribadeo, da superficie das parcelas de referencia catastral números 7924002PJ5272S0001DJ, 7924039PJ5272S0001SJ, 7924038PJ5272S0001EJ, 7924005PJ5272S0001JJ e 7924003PJ5272S0001XJ.
Exponse ao público nas dependencias municipais, de conformidade co artigo 237.2 da Lei 9/2002, do 30 de decembro, durante o mesmo prazo de dous meses da 2.ª exposición pública do Plan Xeral de Ordenación Municipal, incluíndose na documentación do referido procedemento, e durante cuxo prazo se poderán formular reclamacións ou alegacións a el.
Rematado o prazo, á vista das alegacións e de conformidade cos informes, de ser o caso, elaborarase unha proposta de texto definitivo do convenio, do cal se dará vista aos propoñentes para a súa aceptación, reparos ou, de ser o caso, renuncia, e será posteriormente aprobado o texto definitivo polo Pleno da Corporación, con carácter previo á súa sinatura.
Ribadeo, 26 de marzo de 2012.
Fernando Suárez Barcia
Alcalde
Fidel Maañón López
Secretario accidental