As entidades que se citan solicitaron da Xerencia Municipal de Urbanismo do Concello de Vigo licenzas urbanísticas para as actividades e nos lugares que a seguir se indican:
1. Solicitante: West K Vigo, S.L. Actividade: recepción, desmantelamento e expedición das fraccións dos catalizadores fóra de uso. Localización: camiño Lascas n.º 5, bloque 2, local 4-A, polígono Seixiños, Beade. Expediente: 38879/422.
2. Solicitante: Talleres Rodacarsa, S.L. Actividade: ampliación de actividade para taller de reparación de vidros e parabrisas e mecánica, electricidade e electrónica do automóbil. Localización: camino Carrazóns n.º 21, Matamá. Expedientes: 75560/421 e 38888/422.
3. Solicitante: Frigoríficos Iberport, S.L. Actividade: procesamento, almacenaxe e distribución de produtos conxelados. Localización: praza do Porto Pesqueiro, lonxa, dársena 4. Expedientes: 75936/421 e 39046/422.
De conformidade co artigo 8.3. do Decreto 133/2008, do 12 de xuño, polo que se regula a avaliación de incidencia ambiental, sométense os expedientes a información pública por un prazo de vinte días mediante anuncio no DOG, BOP e exposición no taboleiro de anuncios da Xerencia Municipal de Urbanismo, para que quen se considere afectado dalgún xeito pola actividade que se pretende establecer poida alegar o que considere oportuno.
O prazo de información pública entenderase aberto desde o día seguinte á publicación do primero anuncio e rematará transcorridos vinte días desde o día seguinte á publicación do derradeiro anuncio. Os expedientes atópanse á disposición do público en xeral e pódense consultar na oficina de Arquivo e Control da Xerencia Municipal de Urbanismo (planta 1 do edificio da Xerencia, sito na praza do Rei, 4, Vigo).
Vigo, 21 de marzo de 2012.
M.ª del Carmen Silva Rego
Concelleira delegada da Área de Urbanismo, Cascos Históricos e Grandes Proxectos