Indusal Rías Altas, S.A. solicitou modificación da licenza ambiental de actividade clasificada para a instalación de coxeración para xeración de vapor e enerxía eléctrica, con base na modificación substancial dunha actividade xa autorizada, no polígono industrial SAUI-1, na parroquia de Sergude (expediente 1IA-11/898).
De conformidade co establecido no artigo 8.3 do Decreto 133/2008, do 12 de xuño, no que se regula a avaliación de incidencia ambiental, sométese a información pública polo período de vinte días hábiles, que comezará a contar desde o día seguinte ao da inserción deste edicto no Boletín Oficial da provincia e no Diario Oficial de Galicia.
Durante este tempo, as persoas que dalgún xeito se consideren afectadas pola actividade que se pretende instalar poderán examinar o expediente, no Departamento de Urbanismo deste concello, e formular por escrito as reclamacións ou observacións que xulguen oportunas.
Boqueixón, 28 de febreiro de 2012.
Adolfo Gacio Vázquez
Alcalde