Advertidos erros na devandita orde, publicada no Diario Oficial de Galicia número 92, do 15 de maio de 2012, cómpre efectuar as seguintes correccións:
Na páxina 18257, no punto 8 do artigo 10, onde di: «...agás erro manifesto do/a solicitante apreciado pola Administración.», debe dicir: «...agás que así o dispoñan as bases ou normas reguladoras do correspondente procedemento, ou nos supostos de erro manifesto do/a solicitante apreciado pola Administración.».
Na páxina 18258, no punto 5 do artigo 11, onde di: «Os méritos consignados pola persoa aspirante na solicitude de participación, que non consten debidamente validados no sistema informático na data de apertura da correspondente convocatoria ou proceso...», debe dicir: «Os méritos da persoa aspirante que non consten debidamente rexistrados no sistema informático no prazo establecido na correspondente convocatoria ou proceso...».
Na páxina 18258, no punto 3 do artigo 12, onde di: «A dita información estará tamén dispoñible...», debe dicir: «A información da puntuación estará tamén dispoñible...».