Visto o expediente para outorgamento de autorización administrativa e aprobación do proxecto de execución da instalación eléctrica:
Solicitante: Corsan-Corvian Construcción, S.A.
Domicilio social: estación ferrocarril, 32702 Vilar de Barrio.
Denominación: L.M.T. e C.T. obra en boca do túnel AVE Lubián-Ourense (As Maus).
Situación: Vilar de Barrio.
Descricións técnicas:
L.M.T. aerosubterránea a 20 kV de 26 m en aéreo, con condutor LA-56, e 326 m en subterráneo, con condutor R.H.Z.1 que ten a súa orixe no apoio nº 67 da L.M.T. Allariz 807 e remata no C.T. proxectado As Maus, 2×630 kVA e R/T 20.000/400-230 V. Orzamento: 12.176,75 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que considere pertinente.
Ourense, 25 de maio de 2012
Gabriel Diéguez Domínguez
Xefe territorial de Ourense