De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), e dado que non foi posible practicar a notificación,

DISPOÑO:

1. Notificar mediante a presente cédula a Manuel Fernández López o Acordo do Xurado de Expropiación de Galicia do 29 de marzo de 2012, mediante o que se resolve o recurso de reposición do predio 109-ARR sito en Becerreá, relativo ao proxecto 00806 (expediente 2009/007108), cuxos datos se relacionan no anexo.

2. Contra a presente resolución, que esgota a vía administrativa, a persoa interesada poderá interpoñer recurso contencioso-administrativo, perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación, de conformidade cos artigos 10.1.i) 14.1 e 46 da Lei 29/1998, do 13 de xullo, reguladora da xurisdición contencioso-administrativa. O texto íntegro do acordo referido na presente cédula está á disposición do interesado nas dependencias do Xurado de Expropiación de Galicia, con enderezo no edificio administrativo de San Lázaro, s/n, de Santiago de Compostela, 15703.

3. En consecuencia, para que conste e sirva de notificación, expido, asino e selo esta cédula.

Santiago de Compostela, 18 de maio de 2012

Juan Carlos Argüello Fernández
Presidente do Xurado de Expropiación de Galicia

ANEXO

Proxecto para o que se expropia: 00806-Acondicionamento da estrada LU-722 Becerreá-Navia de Suarna. Treito I: Becerreá-A Ribeira (clave: LU/01/056.01.1).

Nº expediente: 2009/007108.

Persoa que se notifica: Manuel Fernández López.

Expropiante: CPTOPT. Servizo de Estradas de Lugo.

Expropiado: Manuel Fernández López.

Beneficiario: CPTOPT. Servizo de Estradas de Lugo.

Predio nº: 109-ARR.

Concello: Becerreá.

Provincia: Lugo.

Valoración resolución do xurado: 1.260,00 €.