De conformidade co establecido no artigo 29 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia (DOG do 13 de xuño de 2008), e no artigo 52 do Real decreto 364/1995, do 10 de marzo, do Regulamento xeral de ingreso, provisión de postos de traballo e promoción do persoal ao servizo da Administración xeral do Estado, e demais normativa de procedente aplicación, e no uso das atribucións conferidas no artigo 40 dos estatutos desta universidade, aprobados polo Decreto 101/2004, do 13 de maio (DOG do 26 de maio), e da delegación de competencias operada por Resolución do 16 de xaneiro de 2012, esta xerencia,
DISPÓN:
Primeiro. Anunciar a convocatoria para cubrir, polo sistema de libre designación, o posto de traballo que se indica no anexo I.
Segundo. Poderán concorrer a ela todos/as os/as funcionarios/as que reúnan as condicións que para o posto de traballo se sinalan no anexo I.
Terceiro. As solicitudes, que irán dirixidas ao reitor da Universidade da Coruña, empregarán o modelo que consta como anexo II a esta convocatoria e presentaranse no Rexistro Xeral (rúa Maestranza, nº 9, 15001 A Coruña) e nos rexistros auxiliares desta universidade (Casa do Lagar-Campus de Elviña, A Coruña e Doutor Vázquez Cabrera s/n, 15403 Ferrol) ou remitiranse a través das formas previstas no artigo 38.4 da Lei 30/1992, de réxime xurídico das administracións públicas e do procedemento administrativo común, no prazo de quince días, contados a partir do seguinte ao da publicación desta resolución no Diario Oficial de Galicia.
Á solicitude xuntaráselle un currículo no cal se especifiquen os méritos, que se acreditarán documentalmente.
Esta convocatoria, así como os actos administrativos que dela derivaren, poderán ser impugnados no prazo e na forma establecidos na vixente Lei de réxime xurídico das administracións públicas e do procedemento administrativo común.
A Coruña, 31 de maio de 2012
Juan Manuel Díaz Villoslada
Xerente da Universidade da Coruña
ANEXO I
Número do posto RPT: 09.
Denominación do posto: letrado/a asesor/a.
Centro: Secretaría Xeral.
Grupo: A1.
Tipo de posto: singularizado.
Complemento de destino: 29.
Complemento específico mensual: 1.502,11 €.
Forma de provisión: libre designación.
Requisitos: funcionario/a de carreira do grupo A1 con destino na Universidade da Coruña e os/as funcionarios/as de carreira do grupo A1 que pertenzan a corpos e escalas da Administración do Estado, das comunidades autónomas e da Administración local, así como de escalas propias doutras universidades.
Requisitos: licenciado/a en Dereito.
Funcións: asesoramento en dereito da Administración universitaria e representación e defensa en xuízo en todo tipo de procesos xudiciais, así como entre os órganos administrativos e en procedementos arbitrais.
Méritos preferentes: experiencia en representación e defensa xudicial das administracións públicas.
ANEXO II
Apelidos |
Nome |
NIF |
|||||
Data nacemento |
Corpo ou escala |
Grupo |
Nº. rexistro persoal |
||||
Enderezo |
Localidade |
Provincia |
|||||
Teléfono fixo |
Teléfono móbil |
Enderezo electrónico |
|||||
Posto que solicita |
|||||||
DESTINO ACTUAL |
|||||||
Departamento |
Organismo |
Localidade |
SOLICITO: ser admitido/a no concurso convocado por Resolución reitoral da Universidade da Coruña do 31 de maio de 2012, para a provisión, polo sistema de libre designación, do posto que máis arriba relaciono.
A Coruña, ... de... de 2012
(Sinatura do/a solicitante)
REITOR DA UNIVERSIDADE DA CORUÑA