En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que no correspondente servizo desta dirección xeral presentouse certificado da acta da asemblea xeral extraordinaria da Asociación Profesional de Persoal Laboral do Servizo de Defensa contra Incendios Forestais da Xunta de Galicia (Apropiga), onde se reflicte o acordo acadado o 12 de maio de 2012, en que se recolle a modificación do artigo 1 dos estatutos da dita asociación, e se procede ao seu depósito.
Santiago de Compostela, 12 de xuño de 2012
Odilo Martiñá Rodríguez
Director xeral de Relacións Laborais