O Pleno municipal, na sesión extraordinaria do día 23 de xullo de 2012, por unanimidade dos concelleiros asistentes á sesión acordou:
1. Aprobar inicialmente a modificación puntual número 1 do Plan xeral de ordenación municipal de Sobrado para a adaptación da normativa que regula o solo rústico á lexislación vixente.
2. Abrir un trámite de información pública durante o prazo de dous meses, mediante a inserción de anuncios no Diario Oficial de Galicia e en dous dos xornais de maior difusión da provincia, e dar audiencia simultaneamente durante o mesmo prazo aos municipios limítrofes.
Ao mesmo tempo, solicitar das administracións públicas competentes os informes sectoriais que resulten necesarios.
Durante o prazo de dous meses contado desde o día seguinte ao da publicación deste anuncio no Diario Oficial de Galicia, os interesados poderán consultar o expediente, nas dependencias municipais, e formular por escrito as alegacións, reclamacións e suxestións que consideren oportunas.
Sobrado, 24 de xullo de 2012
Jacobo Fernández García
Alcalde