DOG 146 do 1/08/2012 - CÉDULA do 11 de xullo de 2012, da Xefatura Territorial da Coruña, pola que se fai pública unha relación de notificacións de acordos de inicio do procedemento de reintegro de varias axudas pola transformación en indefinidos de determinados contratos temporais subscritos con mozos e mozas, reguladas na Orde do 29 de maio de 2007 (Diario Oficial de Galicia número 108, do 6 de xuño) relativa aos expedientes TR347E 2007/105-1 e cinco máis.

VI. Anuncios

a) Administración autonómica

Consellería de Traballo e Benestar

CÉDULA do 11 de xullo de 2012, da Xefatura Territorial da Coruña, pola que se fai pública unha relación de notificacións de acordos de inicio do procedemento de reintegro de varias axudas pola transformación en indefinidos de determinados contratos temporais subscritos con mozos e mozas, reguladas na Orde do 29 de maio de 2007 (Diario Oficial de Galicia número 108, do 6 de xuño) relativa aos expedientes TR347E 2007/105-1 e cinco máis.

Intentada a notificación das ditas resolucións segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, notifícaselles aos interesados o contido das resolucións que figuran como anexo, para que poidan ter coñecemento delas.

Así mesmo, fáiselles saber o dereito que os asiste para realizaren as alegacións e presentaren a documentación que estimen oportuna no prazo de quince días hábiles, que comezará a contar a partir do día seguinte ao desta publicación.

Á vista das alegacións e da documentación achegada, ou transcorrido o prazo concedido para o efecto, ditarase a resolución que corresponda respecto ao reintegro da subvención concedida.

Lémbraselles tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9-1º, na Coruña, e a obter, se é o caso, copia da resolución, segundo o previsto na letra a) do artigo 35 da Lei 30/1992, do 26 de novembro.

A Coruña, 11 de xullo de 2012

Luis Alberto Álvarez Freijido
Xefe territorial da Coruña

ANEXO

Nº de expediente: TR347E 2007/105-1.

Nome ou razón social: Triko Mobiliario, S.L.

DNI/NIF: B15794886.

Último enderezo coñecido: A Areeira, s/n, 15830 Negreira (A Coruña).

Data da resolución: 16.5.2012.