José Ovidio Cordero Fernández solicitou neste concello licenza para a ampliación de construcións agrarias (unha nave de vacún de carne libre e foxa de zurro), no lugar da Azoreira, na parroquia de Furís.
De conformidade co disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese á información pública por un período de 20 días mediante anuncio no BOP de Lugo, no DOG e no taboleiro de edictos do concello, para que as persoas interesadas poidan examinar o expediente na Secretaría do concello, das 9.00 ás 14.00 horas, de luns a venres, e, de ser o caso, formular os reparos ou observacións que consideren oportunos.
Este anuncio servirá de notificación, ao abeiro do artigo 59.5º da Lei 30/1992, a todos aqueles que sexan descoñecidos ou se ignore o seu paradoiro, ou ben, aos que unha vez intentada esta, non se puidese practicar.
Castroverde, 19 de xullo de 2012
Xosé María Arias Fernández
Alcalde