A representante da titularidade do centro privado Agarimo, do concello de Arteixo (A Coruña), solicita a autorización para impartir o programa de cualificación profesional inicial (PCPI) de Carpintería e o PCPI de Xardinería e viveiros.
A Xefatura Territorial da Coruña achega o expediente cos correspondentes informes de acordo co Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias e coa Orde do 20 de setembro de 1995 que o desenvolve.
Por isto, por proposta da Dirección Xeral de Centros e Recursos Humanos,
DISPOÑO:
Primeiro. Autorizar o programa de cualificación profesional inicial (PCPI) de Carpintería e o PCPI de Xardinería e viveiros, no centro privado que se sinala:
Denominación: CPR Agarimo.
Código do centro: 15020431.
Domicilio: rúa Padre Villa, 30. Laxobre.
Localidade: Arteixo.
Concello: Arteixo.
Provincia: A Coruña.
Titular: Asociación Agarimo.
Composición resultante:
• Educación especial: 5 unidades (psíquicos).
• PCPI Albanelería (15 alumnos/as).
• PCPI Carpintería (15 alumnos/as).
• PCPI Servizos administrativos (15 alumnos/as).
• PCPI Servizos de restauración (15 alumnos/as).
• PCPI Xardinería e viveiros (15 alumnos/as).
• Educación básica para as persoas adultas:
– Ensinanzas básicas iniciais: nivel I e II.
– Educación secundaria para persoas adultas: nivel I e II.
Segundo. Antes da posta en funcionamento das ensinanzas que se autorizan a Xefatura Territorial da Coruña, logo do informe do Servizo Territorial de Inspección Educativa, aprobará expresamente a relación de persoal que impartirá docencia.
Terceiro. O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 18 de xullo de 2012
Jesús Vázquez Abad
Conselleiro de Cultura, Educación e Ordenación Universitaria