A titular do centro privado Litocentro, do concello de Ourense, solicita a extinción da autorización por cesamento de actividades.
O expediente tramtítase de conformidade co Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve.
Por proposta da Dirección Xeral de Centros e Recursos Humanos,
DISPOÑO:
Primeiro. Extinguir, de conformidade co artigo 17.1 do Decreto 133/1995, por cesamento nas súas actividades docentes, por instancia da titular do centro, a autorización do centro privado que se sinala a continuación:
Denominación: CPR Litocentro.
Código do centro: 32015633.
Domicilio: rúa Francisco de Moure, nº 2, baixo.
Concello: Ourense.
Provincia: Ourense.
Titular: Rosa María Gándara Rodríguez.
Ensinanzas que se extinguen: todas as autorizadas (ciclo formativo de grao medio de Perrucaría en quenda de mañá e de tarde-noite).
Segundo. A presente extinción da autorización dará lugar á correspondente inscrición no Rexistro de Centros da Consellería de Cultura, Educación e Ordenación Universitaria.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 23 de xullo de 2012
Jesús Vázquez Abad
Conselleiro de Cultura, Educación e Ordenación Universitaria