No Xulgado do Contencioso-Administrativo número 4 da Coruña tramítase o procedemento abreviado número 176/2012 interposto por Santiago Pellit Ramil contra a Resolución reitoral do 2.5.2012, pola que se acorda desestimar o recurso de alzada presentado polo recorrente o 3.2.2012 contra a resolución do tribunal xulgador das probas selectivas para o ingreso pola quenda libre na escala de técnicos especialistas de informática da Universidade da Coruña.

Notifícase isto para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandados no prazo de nove días, que conta a partir do seguinte ao da publicación da presente resolución no DOG, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

A Coruña, 31 de xullo de 2012

Xosé Luís Armesto Barbeito
Reitor da Universidade da Coruña