Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 155 Martes, 14 de agosto de 2012 Páx. 32739

V. Administración de xustiza

Xulgado de Primeira Instancia número 5 de Ourense

EDICTO (477/2011).

No xuízo referenciado, ditouse a resolución cuxo encabezamento e ditame son do literal seguinte:

«Vistos por mín, Luis Doval Pérez, maxistrado titular do Xulgado de Primeira Instancia número 5 de Ourense e o seu partido, no día de hoxe 15 de novembro de 2011, os presentes autos de xuízo ordinario número 477/2007 seguidos neste xulgado por instancia de Jacinto Teixeira Cid e María Sonia Machado Martínez, representados pola procuradora Sra. Pérez Vázquez e asistidos pola letrada Sra. Cortes Vázquez, contra a entidade Santander Consumer, representada polo procurador Sr. Marquina Fernández e asistida polo letrado Sr. González López, e contra Mi Casa Servicios Inmobiliarios de Huelva, en situación de rebeldía procesual decido que, estimando substancialmente a demanda interposta pola procuradora Begoña Pérez Vázquez, en nome e representación de Jacinto Teixeira Cid e Mª Sonia Machado Martínez, contra Santander Consumer e Mi Casa Servicios Inmobiliarios de Huelva, declaro:

1. A nulidade do contrato de aproveitamento por quendas subscrito mediante documento privado do 24 de xullo de 2006 coa entidade Mi Casa Servicios Inmobiliarios de Huelva, S.L., con todos os efectos legais.

2. A resolución do contrato de préstamo nº E/52/F/2006/0350316 do 3 de agosto de 2006, intervido por fedatario público, e da póliza de seguro de vida nº 09000067, subscrito con Santander Consumer EFC, S.A., ambos os dous do 3 de agosto de 2006.

E condeno as entidades demandadas a estar e pasar por tal declaración e a devolver á demandante as cantidades de diñeiro entregadas en virtude dos devanditos contratos, de acordo co disposto no fundamento terceiro, cos xuros legais.

Todo iso con expresa imposición de custas á parte demandada».

En virtude do acordado nos autos de referencia, de conformidade co disposto no artigo 497 da LAC, polo presente notifícase a Mi Casa Servicios Inmobiliarios de Huelva, S.L. a sentenza recaída no presente procedemento.

Ourense, 24 de abril de 2012

O/a secretario/a xudicial