Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Central Eléctrica Sestelo y Cía, S.A.
Enderezo social: r/ Virxe da Luz, nº 3 baixo, 36860 Ponteareas.
Denominación: LMTA-LMTS O Couto-Piñoi.
Situación: Mondariz e Covelo.
Descricións técnicas: LMT aérea a 20 kV con condutor LA-110 de 1.978 metros de lonxitude, con orixe no apoio 4ES01716 (nº 12) da LMT 14 Engasa, en Lougares (concello de Mondariz) e final no apoio 1, do cal continúa subterránea con condutor Hersatene RHZ1 479 metros e finaliza no CT existente en Piñoi (concello de Covelo).
Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha da instalación, de acordo co artigo 131 do Real decreto 1955/2000, será de doce (12) meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra a presente resolución poderá interpoñer recurso de alzada ante o conselleiro de Economía e Industria, no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que xulgue pertinente ao seu dereito.
Pontevedra, 18 de xullo de 2012
Ignacio Rial Santomé
Xefe territorial de Pontevedra