De conformidade co disposto nos artigos 59.5 e 84 da Lei de réxime xurídico das administracións públicas e do procedemento administrativo común (BOE nº 285, do 27 de novembro de 1992), modificada pola Lei 4/1999, do 13 de xaneiro (BOE nº 12, do 14 de xaneiro), notifícase a Resolución do 9 de agosto de 2012, sobre baixa da autorización turística e cancelación da inscrición no Rexistro de Empresas e Actividades Turísticas dos establecementos relacionados no anexo.

Téndose comprobado pola inspección turística que os establecementos que figuran no anexo, cos datos e últimos enderezos que tamén se sinalan, non exercen a actividade para a que foron autorizados no seu día e considerando que este organismo efectuou o preceptivo trámite de audiencia a que fai referencia o artigo 59.5 da Lei 30/1992, de réxime xurídico das administracións públicas e do procedemento administrativo común, respecto do cal os interesados non efectuaron alegacións.

Este servizo provincial resolve dar de baixa os establecementos que se sinalan no anexo e comunicalo á Secretaría Xeral para o Turismo para os efectos da súa cancelación no Rexistro de Empresas e Actividades Turísticas da Comunidade Autónoma galega.

Contra esta resolución, que non esgota a vía administrativa, poderase interpoñer recurso de alzada ante a Secretaría Xeral para o Turismo, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro (BOE nº 285, do 27 de novembro).

Pontevedra, 10 de agosto de 2012

Mª Ángeles Herrero Pérez
Xefa do Servizo de Turismo

ANEXO