Vistos os expedientes instruídos para os efectos de transmisión das bateas Carmen e Conde, e das concesións administrativas que os amparan, resulta:
a) Antecedentes de feito.
Primeiro. Mediante escritos do 19 de abril de 2012, Luis Conde Otero, en representación da comunidade de herdeiros de Ana Isabel Meis Cacabelos, solicitou autorización para a transmisión das concesións das bateas Carmen e Conde.
Segundo. O interesado achegou a documentación requirida para a tramitación.
Terceiro. Os informes do Servizo de Protección dos Recursos sobre as características das bateas e do Servizo Técnico-Xurídico sobre a tramitación dos expedientes son favorables.
b) Fundamentos xurídicos.
Primeiro. Este órgano é competente para resolver os expedientes, de conformidade coa Lei 11/2008, do 3 de decembro, de pesca de Galicia, e coa Lei 6/2009, do 11 de decembro, que a modifica, e coa Resolución do 12 de abril de 2012, de delegación de sinatura en materia de acuicultura nos titulares das xefaturas de Coordinación da Área do Mar da Consellería do Medio Rural e do Mar.
Segundo. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería resolve:
Autorizar a transmisión mortis causa, a favor de Luis Conde Otero (35447027-W), Breixo Conde Meis (77466110-V) e Xurxo Conde Meis (77549218-A), das concesións que se indican a continuación:
Identificación:
Tipo: batea.
Nome: Carmen.
Situación:
Cuadrícula nº: 43.
Polígono: D.
Distrito: Cambados (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 29.2.1964.
Remate da vixencia: 15.12.2019.
Tipo: batea.
Nome: Conde.
Situación:
Cuadrícula nº: 30.
Polígono: D.
Distrito: O Grove (Pontevedra).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 27.11.1970.
Remate da vixencia: 15.12.2019.
Actuais titulares: Luis Conde Otero (35447027-W) e Ana Isabel Meis Cacabelos.
Novos titulares: Luis Conde Otero (35447027-W), Breixo Conde Meis (77466110-V) e Xurxo Conde Meis (77549218-A).
Os novos titulares das concesions subróganse nos dereitos e obrigas dos anteriores.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes, ante a conselleira do Medio Rural e do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1º da Lei 29/1998, do 13 de xullo, reguladora da xurisdición contencioso-administrativa.
Vigo, 6 de agosto de 2012
P.D. (Resolución 12.4.2012)
Sonia Lorenzo Santos
Xefa de Coordinación da Área do Mar en Vigo
