Intentada a notificación do prego de cargos segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo e o establecido no artigo 61 do mesmo texto legal, comunícaselle ao interesado o contido da notificación que figura como anexo para que poida ter coñecemento dela.
Así mesmo, fáiselle saber o dereito que o asiste para que poida realizar as alegacións e presentar a documentación que considere oportuna, no prazo de dez días hábiles, que comezará a contar a partir do día seguinte ao desta publicación.
Á vista das alegacións e da documentación presentada, ou transcorrido o prazo concedido para o efecto, continuarase coa tramitación do procedemento.
Lémbraselle tamén o seu dereito a consultar o expediente, depositado nas dependencias desta xefatura territorial, sitas na rúa Salvador de Madariaga, nº 9, 1º, na Coruña, e a obter, se é o caso, copia do prego de cargos, segundo o previsto na letra a) do artigo 35 da Lei 30/1992, do 26 de novembro.
A Coruña, 27 de setembro de 2012
Luis Alberto Álvarez Freijido
Xefe territorial da Coruña
ANEXO
Nome e apelidos: José Ramón Rodríguez Ures.
DNI/NIF: 32765823T.
Último enderezo coñecido: r/ Curros Enríquez, 39, 2º A, O Temple, 15679 A Coruña.
Contido da notificación: notificación de prego de cargos do expediente disciplinario incoado por acordo do 19 de xullo de 2012, da Secretaría Xeral Técnica da Consellería de Traballo e Benestar, pola presunta comisión duns feitos polos que podería incorrer nas faltas tipificadas no Decreto 94/1991, do 20 de marzo, e na Lei 7/2007, do 12 de abril, do Estatuto básico do empregado público.
Data da notificación: 8.8.2012.