De conformidade co disposto nos artigos 59.2º e 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícaselles ás persoas da relación adxunta que a Dirección Xeral de Desenvolvemento Rural acordou o día 11 de xullo de 2012, a aprobación do acordo de concentración parcelaria de Santiago de Verea (Verea-Ourense), que está exposto ao público no Concello de Verea e nos lugares de costume, de conformidade co disposto nos artigos 36 e 40 da Lei 10/1985, de concentración parcelaria para Galicia, modificada pola Lei 12/2001, do 10 de setembro, ao non ser posible a súa notificación a través do servizo de Correos.

No referido acordo figura a correspondente ficha de atribucións cos predios de substitución.

Para o caso de que se formulasen alegacións en relación co proxecto, o resultado destas será o que deriva das fichas de atribucións.

Contra o devandito acordo, que non é definitivo na vía administrativa, os interesados da relación adxunta poderán interpoñer recurso de alzada ante a conselleira do Medio Rural e do Mar, no prazo de 30 días naturais contados a partir do día seguinte ao da súa publicación no Diario Oficial de Galicia.

Ourense, 15 de outubro de 2012

Ricardo Ignacio Vecillas Rojo
Xefe territorial de Ourense

ANEXO