O 10 de outubro de 2012 o presidente de Portos de Galicia adxudicou a José Antonio Sánchez Pérez o procedemento aberto (sistema multicriterio) para a selección dunha oferta para a tramitación dunha concesión administrativa de ocupación do dominio público portuario do porto de Pontedeume, para a explotación dun guindastre de 5 toneladas para izada/botadura de embarcacións e actividades complementarias de reparación de embarcacións; segundo documentación técnica consistente no proxecto básico da concesión administrativa para ocupación do dominio público portuario do porto de Pontedeume, para a explotación dun guindastre de 5 toneladas para izada/botadura de embarcacións e actividades complementarias de reparación de embarcacións, asinado en marzo de 2012 polos arquitectos A. Carlos Ardá e Bernardo Anatol, arquitectos S.C.P., e a documentación relativa ás referencias técnicas da explotación.

En cumprimento do disposto no artigo 85.3 do Real decreto lexislativo 2/2011, de 5 de setembro, polo que se aproba o texto refundido da Lei de portos do Estado e da mariña mercante, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, oficinas sitas na praza Europa 5 A, 6º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está á disposición na web: portosdegalicia.com

Santiago de Compostela, 29 de outubro de 2012

José Juan Durán Hermida
Presidente de Portos de Galicia