Arousa Veterinaria, S.L. solicitoulle a esta alcaldía licenza municipal para o acondicionamento de local para clínica veterinaria na planta baixa dun edificio sito na avda. de Bouza Martín, parroquia de Barrantes e concello de Ribadumia.
Este proxecto de acondicionamento de local para clínica veterinaria encaixa no disposto no Decreto 133/2008, do 12 de xuño, de avaliación de incidencia ambiental, e sométese a información pública durante un prazo de vinte (20) días co fin de que as persoas que dalgún xeito se consideren afectadas pola obra e pola actividade que se pretende instalar poidan examinar o proxecto, na Área de Medio Ambiente e Sanidade deste concello, e formular por escrito as reclamacións ou observacións que xulguen oportunas.
Este prazo de vinte (20) días comezará a contar a partir do día seguinte a aquel en que se publique o presente edicto no Boletín Oficial da provincia de Pontevedra e no Diario Oficial de Galicia, e colocarase no taboleiro de edictos do concello.
Ribadumia, 14 de xaneiro de 2013
Mª Salomé Peña Muñiz
Alcaldesa presidenta