Rafael González Alió, secretario xudicial do Xulgado do Social número 1 de Lugo, fago saber que no procedemento 826/2011 deste xulgado do social, seguido por instancia de Pilar Sánchez Monje contra Barranco Producciones, S.L. e o Fondo de Garantía Salarial, sobre reclamación de cantidade, ditouse sentenza cuxo ditame é o seguinte:

Que, estimando a demanda presentada por Pilar Sánchez Monje, contra a empresa Barranco Producciones, S.L., debo condenar e condeno a demandada a aboar á demandante a cantidade de 8.819,77 euros, máis os xuros de demora.

Procede a absolución do Fogasa sen prexuízo da ulterior responsabilidade que puidese alcanzalo nos casos legalmente previstos.

Notifíquese esta sentenza aos representantes legais das partes, coa advertencia de que contra esta cabe interpoñer recurso de suplicación ante a Sala do Social do Tribunal Superior de Xustiza de Galicia, dentro dos cinco días seguintes ao da súa notificación, por conduto deste xulgado, ante o que deberá ser anunciado tal propósito mediante comparecencia ou por escrito e cos demais requisitos exixidos no artigo 191 e seguintes da Lei reguladora da xurisdición social.

E para que sirva de notificación en forma a Barranco Producciones, S.L., en ignorado paradoiro, expido e asino o presente.

Lugo, 22 de xaneiro de 2013

O secretario xudicial