O artigo 14, no seu punto 1º, letras c) e d) da Lei 8/1985, do 13 de agosto, de eleccións ao Parlamento de Galicia, modificada pola Lei 15/1992, do 30 de decembro, establece que a Xunta Electoral de Galicia está composta, entre outros, por catro vogais maxistrados do Tribunal Superior de Xustiza de Galicia e por catro vogais profesores en activo das facultades de Dereito, de Ciencias Políticas ou de Socioloxía das universidades de Galicia.

A presidenta do Parlamento de Galicia, mediante escrito dirixido a esta Presidencia, comunica os vogais designados en virtude do artigo 14.1º c) e d) da Lei 8/1985, do 13 de agosto, de eleccións ao Parlamento de Galicia.

Polo exposto e en cumprimento do disposto no artigo 15.1º da Lei 8/1985, do 13 de agosto, de eleccións ao Parlamento de Galicia,

DISPOÑO:

Artigo 1

Nomear, por proposta do presidente do Tribunal Superior de Xustiza de Galicia, vogais da Xunta Electoral de Galicia os maxistrados do dito tribunal que a seguir se indican:

– Juan Luis Martínez López.

– Pablo Ángel Sande García.

– Julio C. Díaz Casales.

– Jose Ramón Chaves García.

Artigo 2

Nomear, por proposta da presidenta do Parlamento de Galicia, vogais da Xunta Electoral de Galicia os profesores que a seguir se indican:

– Xavier Constenla Vega.

– Ángel Gómez Iglesias Casal.

– Jesús Martínez Girón.

– Santiago Antonio Roura Gómez.

Disposición derradeira

Este decreto entrará en vigor o mesmo día da súa publicación no Diario Oficial de Galicia.

Santiago de Compostela, vinte e un de febreiro de dous mil trece

Alberto Núñez Feijóo
Presidente