No uso das competencias atribuídas a esta xefatura territorial e en virtude do disposto nos artigos 71 e 59 da Lei 30/1992, de réxime xurídico das administracións públicas e do procedemento administrativo común (en diante, LRXAP-PAC), ao seren devoltas polo servizo de Correos as notificacións enviadas no seu día, cos requirimentos de documentación nos procedementos instados polos/as interesados/as, publícase mediante este edicto, de conformidade co disposto no artigo 61 da LRXAP-PAC para que, no prazo de 10 días contados desde o día seguinte ao da publicación deste edicto, presenten a documentación requirida, nas dependencias da Xefatura Territorial de Traballo e Benestar de Vigo (Edificio Administrativo da Xunta de Galicia de Vigo, rúa Concepción Arenal núm. 8, 1ª planta); advertíndolles de que, de non facelo así, se considerarán notificados/as para os efectos que se sinalan ao pé do presente edicto.

Vigo, 7 de febreiro de 2013

María Peón Fernández
Xefa territorial de Vigo

ANEXO

Efectos por non acreditar a documentación requirida:

– Paralizarase o expediente e, transcorridos 3 meses, producirase a súa caducidade, co arquivo das actuacións practicadas, de conformidade co establecido no artigo 92 da LRXAP-PAC (BOE núm. 285, do 27 de novembro de 1992), modificada parcialmente pola Lei 4/1999, do 13 de xaneiro (BOE núm. 12, do 14 de xaneiro).