María Jesús Hernando Arenas, secretaria do Xulgado do Social número 5 da Coruña, fago saber que no procedemento ordinario número 709/2012 deste xulgado do social, seguido por instancia de Vanessa Antelo Varela contra a empresa Lorenvar, S.L., sobre reclamación de cantidade, se ditou a seguinte sentenza:

«Que debo estimar e estimo a demanda que en materia de cantidade interpuxo Vanessa Antelo Varela contra Lorenvar, S.L. e, en consecuencia, debo condenar e condeno a Lorenvar, S.L. a que lle aboe á demandante a suma de 4.569,71 euros brutos, polos salarios devindicados durante a súa relación laboral (abril de 2010 a xaneiro de 2011), ambos inclusive, incrementada co xuro do 10 % por mora, aplicable aos conceptos salariais, e a cantidade de 163,63 euros, como indemnización non aboada (60 %) por despedimento obxectivo.

Notifíqueselles esta resolución ás partes e fágaselles saber o seu dereito a interpor contra ela recurso de suplicación perante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtase o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, de que deberá depositar a cantidade de 300 euros do depósito especial indicado no artigo 229.1.a) da Lei reguladora da xurisdición social, na conta aberta na entidade Banesto, a nome deste xulgado, co número 4757 0000, código 36 e número de expediente, acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario por esa cantidade en que se faga constar a responsabilidade solidaria do avalista, e incorporala a este xulgado co anuncio do recurso.

En todo caso, o recorrente deberá designar letrado para a tramitación do recurso, no momento de o anunciar.

Así, por esta miña sentenza, pronúncioo, mándoo e asínoo».

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamentos.

E para que sirva de notificación á empresa Lorenvar, S.L., en ignorado paradoiro, expido e asino este edicto.

A Coruña, 15 de febreiro de 2013

A secretaria xudicial