De conformidade co disposto no artigo 18.1º da Lei 38/2003, do 17 de novembro, xeral de subvencións, no artigo 15.1º da Lei 9/2007, do 13 de xuño, de subvencións de Galicia, no Decreto lexislativo 1/1999, do 7 de outubro, polo que se aproba o texto refundido da Lei de réxime financiero e orzamentario de Galicia, procédese á publicación das subvencións concedidas en virtude da Orde do 25 de xuño de 2012 pola que se establecen as bases reguladoras para a concesión en réxime de concorrencia competitiva de subvencións destinadas ao cofinanciamento da prestación de programas de desenvolvemento xitano polas corporacións locais, cofinanciadas polo Fondo Social Europeo 2007/2013.

Finalidade da axuda: a presente orde regula a convocatoria de subvencións ás corporacións locais para o cofinanciamento de programas desenvolvidos polos servizos sociais de titularidade municipal dirixidos á inclusión sociolaboral do pobo xitano residente en Galicia.

Norma reguladora: Orde do 25 de xuño de 2012 pola que se establecen as bases reguladoras para a concesión en réxime de concorrencia competitiva de subvencións destinadas ao cofinanciamento da prestación de programas de desenvolvemento xitano polas corporacións locais, cofinanciadas polo Fondo Social Europeo 2007/2013 (Diario Oficial de Galicia, nº 126, do 3 de xullo).

Crédito orzamentario: 518.218,93 euros, na aplicación orzamentaria 12.08.313C.460.1

Santiago de Compostela, 25 de febreiro de 2013

Beatriz Mato Otero
Conselleira de Traballo e Benestar

Anexo