DOG 54 do 18/03/2013 - ORDE do 12 de marzo de 2013 pola que se convocan para a elección de destino definitivo os aspirantes que superaron os procesos selectivos para o ingreso na categoría 009 (oficial 2ª agrario) do grupo IV de persoal laboral fixo da Xunta de Galicia, polas quendas de promoción interna e cambio de categoría e de acceso libre.

IV. Oposicións e concursos

Consellería de Facenda

ORDE do 12 de marzo de 2013 pola que se convocan para a elección de destino definitivo os aspirantes que superaron os procesos selectivos para o ingreso na categoría 009 (oficial 2ª agrario) do grupo IV de persoal laboral fixo da Xunta de Galicia, polas quendas de promoción interna e cambio de categoría e de acceso libre.

En virtude das ordes da Consellería de Presidencia, Administracións Públicas e Xustiza do 21 de febreiro de 2006 (DOG número 81, do 27 de abril) convocáronse os procesos selectivos para o ingreso na categoría 009 (oficial 2ª agrario) do grupo IV de persoal laboral fixo da Xunta de Galicia, polas quendas de promoción interna e cambio de categoría e de acceso libre.

Por medio da Orde do 18 de novembro de 2008 (DOG número 227, do 21 de novembro) elevouse a definitiva a proposta de aspirantes que os superaron.

Por medio da Orde do 2 de febreiro de 2009 (DOG número 25, do 5 de febreiro) procedeuse ao seu nomeamento como persoal laboral fixo da Xunta de Galicia e adxudicáronselles destinos provisionais.

Co obxecto de que o dito persoal poida tomar posesión dun destino definitivo e segundo o disposto no V Convenio colectivo único para o persoal laboral da Xunta de Galicia, esta consellería

DISPÓN:

Primeiro. Convocar os aspirantes que superaron os procesos selectivos para o ingreso na categoría 009 (oficial 2ª agrario) do grupo IV de persoal laboral fixo da Xunta de Galicia, polas quendas de promoción interna e cambio de categoría e de acceso libre, convocados polas ordes da Consellería de Presidencia, Administracións Públicas e Xustiza, do 21 de febreiro de 2006 (DOG número 81, do 27 de abril), ao acto de elección de destino definitivo que terá lugar no salón de actos número 2 (pequeno) da Vicepresidencia e Consellería de Presidencia, Administracións Públicas e Xustiza o día 22 de marzo de 2013, ás 11.30 horas.

Segundo. Os aspirantes convocados poderán elixir entre os postos que se relacionan no anexo desta orde segundo a orde acadada no proceso selectivo, sempre que reúnan as condicións exixidas nel. Os aspirantes que ingresaron pola quenda de promoción interna e cambio de categoría terán en todo caso preferencia sobre os aspirantes provenientes do sistema de acceso libre para cubrir as vacantes correspondentes.

Terceiro. Os aspirantes deberán ir provistos de DNI ou outro documento que acredite fidedignamente a súa identidade; no caso de non comparecer persoalmente poderán ser representados por terceiras persoas con poder notarial suficiente.

Cuarto. Aos aspirantes que non comparezan persoalmente ou por medio de representantes seranlles adxudicadas en destino definitivo as prazas que lles correspondan atendendo á orde de publicación destas e ao número obtido no proceso selectivo, unha vez concluído o proceso de adxudicación das prazas aos aspirantes presentes ou representados, entre as que quedasen sen adxudicar.

Quinto. No caso de solicitar excedencia voluntaria por incompatibilidade deberán presentarse ao chamamento cun certificado do responsable da unidade de persoal en que conste que o interesado presta servizos na actualidade na Administración, ou ben documentación que o acredite, en documento orixinal ou fotocopia debidamente compulsada.

Sexto. Contra esta orde poderase interpor reclamación administrativa ante a Consellería de Facenda no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido nos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 12 de marzo de 2013

Elena Muñoz Fonteriz
Conselleira de Facenda

ANEXO

Núm.	Código do posto	Denominación	Cons.	Grupo/categ.	Centro destino	Centro directivo	Concello	Titulación	Formación	Observacións
1	EDC994020136420023	Oficial 2ª agrícola	ED	IV-009	CIFP A Granxa (Ponteareas)	Servizos Periféricos	Ponteareas	Segundo convenio		Complemento salarial de singularidade de especial dedicación.
2	MRC040010127001075	Oficial 2ª agrario	MR	IV-009	Laboratorio de Sanidade/Produción Animal de Galicia (Lugo)	Dirección Xeral de Produción Agropecuaria	Lugo			Complemento salarial de singularidade por toxicidade. Complemento salarial de singularidade por perigosidade.
3	MRC060010115010104	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Complemento salarial de singularidade por penosidade.
4	MRC060010115010108	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Complemento salarial de singularidade por toxicidade.
5	MRC060010115010111	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Xornada especial, complemento salarial de singularidade de especial dedicación. Complemento salarial de singularidade por perigosidade.
6	MRC060010115010114	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Complemento salarial de singularidade por toxicidade.
7	MRC060010115010117	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Complemento salarial de singularidade por perigosidade.
8	MRC060010115010118	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Xornada especial, complemento salarial de singularidade de especial dedicación. Complemento salarial de singularidade por perigosidade.
9	MRC060010115010123	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Xornada especial, complemento salarial de singularidade de especial dedicación. Complemento salarial de singularidade por perigosidade.
10	MRC060010115010124	Oficial 2ª agrario	MR	IV-009	Centro de Investigacións Agrarias de Mabegondo (A Coruña)	Dirección Xeral de Innovación e Industrias Agrarias e Forestais	Abegondo			Xornada especial, complemento salarial de singularidade de especial dedicación. Complemento salarial de singularidade por perigosidade.
11	MRC060010215490005	Oficial 2ª agrario	MR	IV-009	Estación Experimental de Gandaría de Montaña de Marco da Curra (Monfero-A Coruña)	Dirección Xeral de Innovación e Industrias Agrarias e Forestais	Monfero			Xornada especial, complemento salarial de singularidade de especial dedicación. Complemento salarial de singularidade por perigosidade.
12	MRC060020215120023	Oficial 2ª agrario	MR	IV-009	Centro de Formación e Experimentación Agroforestal de Sergude (A Coruña)	Dirección Xeral de Innovación e Industrias Agrarias e Forestais	Boqueixón			Xornada especial, complemento salarial de singularidade de especial dedicación. Complemento salarial de singularidade por perigosidade.
13	MRC060020215120024	Oficial 2ª agrario	MR	IV-009	Centro de Formación e Experimentación Agroforestal de Sergude (A Coruña)	Dirección Xeral de Innovación e Industrias Agrarias e Forestais	Boqueixón			Xornada especial, complemento salarial de singularidade de especial dedicación. Complemento salarial de singularidade por perigosidade.
14	MRC060020215120025	Oficial 2ª agrario	MR	IV-009	Centro de Formación e Experimentación Agroforestal de Sergude (A Coruña)	Dirección Xeral de Innovación e Industrias Agrarias e Forestais	Boqueixón			Xornada especial, complemento salarial de singularidade de especial dedicación. Complemento salarial de singularidade por perigosidade.
15	MRC060020215120026	Oficial 2ª agrario	MR	IV-009	Centro de Formación e Experimentación Agroforestal de Sergude (A Coruña)	Dirección Xeral de Innovación e Industrias Agrarias e Forestais	Boqueixón			Xornada especial, complemento salarial de singularidade de especial dedicación. Complemento salarial de singularidade por perigosidade.
16	MRC060020636001026	Oficial 2ª agrario	MR	IV-009	Centro de Formación e Experimentación Agroforestal de Lourizán (Pontevedra)	Dirección Xeral de Innovación e Industrias Agrarias e Forestais	Pontevedra			Xornada especial, complemento salarial de singularidade de especial dedicación.
17	MRC060020636001028	Oficial 2ª agrario	MR	IV-009	Centro de Formación e Experimentación Agroforestal de Lourizán (Pontevedra)	Dirección Xeral de Innovación e Industrias Agrarias e Forestais	Pontevedra		Coñecementos de poda de altura	Xornada especial, complemento salarial de singularidade de especial dedicación.