De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), logo de ser intentada sen éxito a notificación persoal a través do servizo de Correos, notifícase á interesada que se sinala no anexo deste anuncio o cumprimento da sentenza 278/2012, cuxo contido substancial é o seguinte:
«Dar cumprimento á devandita sentenza nos seus propios termos, no senso de substituír a sanción impugnada de 1.600 euros por outra de 857,62 euros, que deberá ingresar o sancionado».
A persoa interesada poderá comparecer, nas oficinas do Servizo de Control da Calidade Alimentaria, situadas na avenida do Camiño Francés, 10, 15703 Santiago de Compostela, das 9.00 ás 14.00 horas, de luns a venres, no prazo de dez días desde a última publicación deste anuncio, para a recolla da correspondente carta de pagamento e o coñecemento íntegro do dito cumprimento e constancia de tal coñecemento.
O presente anuncio remitirase, así mesmo, ao concello correspondente ao último enderezo coñecido da persoa interesada en aplicación do artigo 59.5 da Lei 30/1992, co obxecto de que proceda á súa publicación por medio dun anuncio no seu taboleiro de edictos.
Santiago de Compostela, 12 de marzo de 2013
Tomás Fernández-Couto Juanas
Secretario xeral de Medio Rural e Montes
ANEXO
Expediente: ICA-OU-0005/2009-PC.
Interesada: Jamones Corzo, S.L.
Último enderezo coñecido: avenida de Castrillón, nº 24, 32350 A Rúa (Ourense).