A Dirección Xeral da Función Pública recibiu da Sala do Contencioso-Administrativo do Tribunal Superior de Xustiza de Galicia oficio polo que se admite a trámite o recurso contencioso-administrativo P.O. 50/2013, interposto por Pablo Ignacio Reyes Martínez, contra a disposición da Dirección Xeral da Función Pública da Xunta de Galicia, do 8 de novembro de 2012, pola que se regulariza o expediente persoal e se lle denega a declaración na situación de excedencia por prestación de servizos no sector público, de acordo co previsto no punto 1 do artigo 57 do texto refundido da Lei da función pública de Galicia.

En consecuencia, esta dirección xeral acordou nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de 9 (nove) días, contados desde o seguinte ao da publicación desta resolución no Diario Oficial de Galicia.

Santiago de Compostela, 4 de abril de 2013

José María Barreiro Díaz
Director xeral da Función Pública