Para os efectos de dar cumprimento ao solicitado polo Xulgado do Contencioso-Administrativo número 1 de Ourense, en relación co procedemento ordinario número 63/2013, interposto por Maderas Villar de Condes, S.L. e Manuel Meiriño González, contra a resolución desestimatoria do recurso potestativo de reposición, ditada pola Axencia de Protección da Legalidade Urbanística no expediente de reposición da legalidade urbanística número IU3/68/2012-S1, na cal se ordena a suspensión das obras que se executan en solo rústico, sen autorización autonómica, no lugar de Portoprado, concello de Carballeda de Avia, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Ourense.
Polo exposto, mediante a presente resolución emprázase a Hnos. Álvarez Vidal, S.L. para que poidan comparecer como interesados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 8 de abril de 2013
María Martínez Allegue
Directora da Axencia de Protección da Legalidade Urbanística