De conformidade co establecido no artigo 29.2 do texto refundido da Lei da función pública de Galicia, que foi aprobado polo Decreto lexislativo 1/2008, do 13 de marzo, e no uso das atribucións conferidas polo artigo 17.4 do mesmo decreto lexislativo, esta consellería
DISPÓN:
Primeiro. Anunciar a convocatoria para cubrir, polo sistema de libre designación, varios postos de traballo vacantes que se relacionan no anexo I desta orde.
Segundo. Poderán concorrer a estas prazas todos/as os/as funcionarios/as que reúnan os requisitos que se exixen e se especifican no anexo I.
Terceiro. As solicitudes para participar nesta convocatoria presentaranse no Rexistro Xeral da Consellería de Cultura, Educación e Ordenación Universitaria (Edificio Administrativo San Caetano, Santiago de Compostela), nos departamentos territoriais ou en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común. O prazo para a presentación das solicitudes será de quince días hábiles, contados a partir do día seguinte ao da publicación desta orde no Diario Oficial de Galicia. O modelo de solicitude sinálase no anexo II.
Cuarto. Os aspirantes deberán xuntar á súa solicitude un currículum vítae e xustificar mediante certificación ou copia compulsada os méritos que aleguen.
Quinto. Esta convocatoria será resolta pola Consellería de Cultura, Educación e Ordenación Universitaria. No caso de que resulte seleccionado para ocupar o posto de traballo que se anuncia no anexo I desta orde un/ha funcionario/a con destino noutra administración pública, requirirase o informe favorable do departamento onde preste servizos, que se considerará favorable de non emitirse no prazo de 15 días, conforme o previsto no artigo 67 do Real decreto 364/1995, do 10 de marzo, e demais disposicións concordantes.
Unha vez tramitado o seu traslado a esta comunidade autónoma, procederase a adxudicarlle o posto para o que foi seleccionado. Se no prazo de dous meses, a partir da publicación no DOG, o/a funcionario/a seleccionado/a non se pode incorporar á Comunidade Autónoma, considerarase deserto o posto e poderase proceder de novo á súa provisión.
Sexto. A resolución desta convocatoria farase pública no DOG e poderase declarar deserto o posto de traballo, de considerarse oportuno.
Sétimo. O prazo de toma de posesión será de tres días, se o destino anterior está na mesma localidade que a do novo destino, e dun mes se está en localidade distinta ou supón o reingreso ao servizo activo.
O prazo de toma de posesión empezará a contarse a partir do día seguinte ao do cesamento, que deberá producirse dentro dos tres días seguintes ao da publicación no DOG, ou desde a data en que se comunique a resolución do traslado á Comunidade Autónoma, para o caso de funcionarios/as doutras administracións públicas.
Se a resolución comporta o reingreso ao servizo, o prazo de toma de posesión empezará a contarse a partir do día seguinte ao da publicación da resolución.
Oitavo. Contra a presente orde, que esgota a vía administrativa, poderase interpor potestativamente recurso de reposición perante este mesmo órgano no prazo dun mes contado a partir do día seguinte ao da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderase interpor recurso contencioso-administrativo perante o xulgado do contencioso-administrativo competente no prazo de dous meses contados a partir do día seguinte ao da súa publicación.
Santiago de Compostela, 4 de xuño de 2013
P.D. (Orde 25.1.2012)
Jesús Oitavén Barcala
Secretario xeral técnico da Consellería de Cultura,
Educación e Ordenación Universitaria
ANEXO I
Código do posto: ED.C99.50.101.15001.001.
Denominación do posto: director/a biblioteca.
Centro directivo: xefatura territorial (Biblioteca da Coruña).
Localidade: A Coruña.
Tipo do posto: S.
Corpo ou escala: especial.
Grupo: A1-A2.
Nivel: 26.
Complemento específico: 11.295,36 euros.
Tipo de adscrición: adscrición exclusiva a funcionarios/as da Xunta de Galicia.
Formación especifica: 956 Facultativo/a Sección Bibliotecas (R.I.), 957 Axudante Sección Bibliotecas (R.I.).
Código do posto: ED.C99.50.101.27001.001.
Denominación do posto: director/a biblioteca.
Centro directivo: xefatura territorial (Biblioteca de Lugo).
Localidade: Lugo.
Tipo do posto: S.
Corpo ou escala: especial.
Grupo: A1-A2.
Nivel: 26.
Complemento específico: 11.295,36 euros.
Tipo de adscrición: adscrición exclusiva a funcionarios/as da Xunta de Galicia.
Formación especifica: 956 Facultativo/a Sección Bibliotecas (R.I.), 957 Axudante Sección Bibliotecas (R.I.).
Código do posto: ED.C99.50.101.36560.001.
Denominación do posto: director/a biblioteca.
Centro directivo: xefatura territorial (Biblioteca de Vigo).
Localidade: Vigo.
Tipo do posto: S.
Corpo ou escala: especial.
Grupo: A1-A2.
Nivel: 26.
Complemento específico: 11.295,36 euros.
Tipo de adscrición: adscrición exclusiva a funcionarios/as da Xunta de Galicia.
Formación especifica: 956 Facultativo/a Sección Bibliotecas (R.I.), 957 Axudante Sección Bibliotecas (R.I.).
Código do posto: ED.C99.50.101.36040.001.
Denominación do posto: director/a museo.
Centro directivo: xefatura territorial (Museo Massó).
Localidade: Bueu.
Tipo do posto: S.
Corpo ou escala: especial.
Grupo: A1-A2.
Nivel: 26.
Complemento específico: 11.295,36 euros.
Tipo de adscrición: adscrición exclusiva a funcionarios/as da Xunta de Galicia.
Formación especifica: 958 Facultativo/a Sección Museos (R.I.), 962 Axudante Sección Museos (R.I.).