Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:

Solicitante: Unión Fenosa Distribución, S.A.

Domicilio social: travesía de Vigo, nº 204, 36207 Vigo.

Denominación: ret. LMT VLG807 Vilalonga Carabuxeira polígono de Nantes.

Situación: Sanxenxo.

Descricións técnicas:

LMT aérea a 20 kV con condutor tipo LA-56 en tres tramos:

• Actuación 1. 78 metros; orixe: apoio HV-630/15, plano 6; final: torre metálica C-2000/14, nó A-plano 6.

• Actuación 2. 108 metros; orixe: torre metálica C-3000/14, nó C-plano 6; final: apoio HV-630/13, plano 6.

• Actuación 3. 89 metros; orixe: torre metálica C-3000/14, nó A-plano 7; final: CT nº 11 P.E. Nantes.

LMT subterránea a 20 KV con condutor RHZ en dous tramos:

• Actuación 1. 883 metros; orixe: torre metálica C-2000/14, nó A-plano 6; final: torre metálica C-3000/14, nó C-plano 6.

• Actuación 2. 89 metros; orixe: torre metálica C-3000/14, nó A-plano 7; final: CT nº 11.

A Instalación está situada na zona do parque empresarial de Nantes, Sanxenxo.

Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra a presente resolución poderá interpor recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpor calquera outro recurso que considere pertinente ao seu dereito.

Pontevedra, 3 de xuño de 2013

Ignacio Rial Santomé
Xefe territorial de Pontevedra