Ao abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, iniciouse expediente de modificación para autorizar a realización dun solapamento nas expedicións entre Lugo-Lalín-Santiago das seguintes concesións:
– V-7042; XG-416, Lugo-Lalín-Vigo, con anexos, da titularidade de Gómez de Castro, S.A.
– V-7059; XG-433, A Coruña-Santiago de Compostela-Pontevedra-Vigo, con anexos, da titularidade de Castromil, S.A.
Os interesados ou afectados no expediente poderán comparecer no procedemento e, tras o exame da documentación pertinente no Servizo de Mobilidade da Coruña (rúa Alcalde Pérez Ardá, 4), efectuar as alegacións que consideren oportunas no prazo de quince días, que se contará a partir do día seguinte ao da publicación deste anuncio no Diario Oficial de Galicia.
Dentro dese mesmo prazo poderase acceder á documentación en soporte electrónico mediante a súa solicitude no enderezo mobilidade.coruña@xunta.es
A Coruña, 28 de xuño de 2013
César Concheiro Ceide
Xefe do Servizo de Mobilidade da Coruña