Por Decreto 49/2013, do 21 de marzo, transfórmanse os institutos de educación secundaria As Mercedes de Lugo e A Carballeira-Marcos Valcárcel de Ourense en centros integrados de formación profesional e créase o instituto de educación secundaria do Milladoiro. Este decreto é obxecto de desenvolvemento pola Orde do 14 de xuño de 2013 (DOG núm. 118, do 21 de xuño).

O artigo décimo da Orde do 14 de xuño de 2013 establece que a Consellería de Cultura, Educación e Ordenación Universitaria publicará no Diario Oficial de Galicia os destinos do persoal docente que os obteña con carácter definitivo.

Na súa virtude, esta Consellería de Cultura, Educación e Ordenación Universitaria

DISPÓN:

Primeiro. Facer pública, en aplicación do artigo décimo da Orde do 14 de xuño de 2013 e como anexo I a esta Orde, a relación do profesorado que obtén un destino definitivo nos centros que se relacionan e con efectividade do 1 de setembro de 2013.

Segundo. Facer pública, como anexo II a esta Orde, a relación de profesorado que obtén destino definitivo no IES O Milladoiro con efectividade do 1 de setembro de 2013.

Terceiro. De conformidade co establecido no artigo décimo primeiro da Orde do 14 de xuño de 2013, o persoal funcionario docente, adscrito con carácter definitivo na presente Orde, manterá, para todos os efectos de antigüidade no novo centro, a xerada no seu centro de orixe.

Cuarto. Contra esta orde, que esgota a vía administrativa, o persoal interesado poderá interpoñer recurso potestativo de reposición perante o conselleiro de Cultura, Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia. De non considerar oportuna a interposición do citado recurso, poderán formular directamente recurso contencioso-administrativo, no prazo de dous meses perante o Tribunal Superior de Xustiza de Galicia, conforme se establece na Lei 29/1988, do 13 de xullo, reguladora da xurisdición contencioso-administrativa.

Santiago de Compostela, 10 de xullo de 2013

Jesús Vázquez Abad
Conselleiro de Cultura, Educación e Ordenación Universitaria

ANEXO I

ANEXO II