Xosé María García Villaverde solicitou neste concello licenza de inicio de actividade de granxa de produción avícola e froiteira de produción biolóxica con capacidade para 50 galiñas poñedoras, 50 galiñas reprodutoras, 400 polos/galos de curral de carne ao ano, ademais de 1 carneiro e 5 ovellas; que se desenvolverá nas parcelas nº 4 e 6 do polígono 51 (unidas en escritura pública), sitas no lugar coñecido como Ermiao, s/n, na parroquia de Naraío, coa superficie continua de 7.494 m², na cal se edificarán varias construcións para protección dos animais, especialmente, 1 galiñeiro de 7,95 m², 4 galiñeiros de 8 m², 4 galiñeiros de 15 m², 1 caseta para ovellas de 12 m², 1 caseta para cans de 3 m² cunha entrada cuberta de 1,74 m² e 1 almacén de 12 m² con entrada cuberta de 6 m² e cerramento perimetral das parcelas. En cumprimento do disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e no artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de 20 días hábiles, co fin de que durante este (que comezará a contarse desde o día seguinte ao da inserción deste anuncio no Boletín Oficial da provincia, no Diario Oficial de Galicia e no taboleiro de anuncios do Concello de San Sadurniño), poidan examinar o expediente nas oficinas deste concello, das 9.00 ás 14.00 horas, as persoas, sociedades ou entidades que dalgún xeito se consideren afectadas pola actividade que se pretende iniciar e formular por escrito as alegacións que xulguen oportunas.
San Sadurniño, 26 de xullo de 2013
Secundino García Casal
Alcalde