Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Unión Fenosa Distribución, S.A.
Domicilio social: travesía de Vigo 204, 36207 Vigo.
Denominación: LMTS, CS avda. de Lugo.
Situación: Pontevedra.
Características técnicas: LMT subterránea a 20 kV con condutor tipo RHZ de 72 metros de lonxitude, con orixe e final no empalme proxectado na LMTS MUR808, entre o CS supermercados Lid’l (36CFU4) e o CT edificio Daniel (36CF81), unha vez entre e saia do CS proxectado. Centro de seccionamento, con tres celas de liña compactas con corte en SF6, situado na avenida de Lugo, fronte á parcela 81, Pontevedra.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 20 de agosto de 2013
P.A. (Decreto 110/2013, do 4 de xullo)
Eugenio Fernández Piñeiro
Xefe do Servizo de Administración Industrial