Por Resolución do 29 de abril de 2013 regúlase a selección das entidades colaboradoras na xestión das subvencións para garantir o acceso á internet de banda larga vía satélite, cofinanciadas co Feader, en réxime de concorrencia non competitiva, apróbanse as bases reguladoras das ditas subvencións e convócanse para o ano 2013 (DOG nº 90, do 10 de maio).
No artigo 7 do anexo II da citada resolución establécese a posibilidade de admitir solicitudes de obtención da condición de entidade colaboradora en calquera momento dentro do período de vixencia das bases reguladoras (2013-2014), o que dará lugar a novas resolucións.
Con data do 9 de setembro de 2013 resolveuse estimar unha nova solicitude de obtención da condición de entidade colaboradora e o 10 de setembro asinouse o convenio de colaboración entre Agader e a entidade Intermax Technology, S.L. de acordo co previsto no artigo 12 das bases reguladoras.
Segundo dispón o apartado terceiro da Resolución do 29 de abril polo que se convocan as subvencións para o ano 2013, o prazo para presentar solicitudes de axuda comezará o día seguinte ao da publicación no DOG da relación de entidades colaboradoras seleccionadas. A presentación de solicitudes realizarase necesariamente a través de calquera das entidades colaboradoras seleccionadas.
De acordo co anterior,
RESOLVO:
Facer público, no Diario Oficial de Galicia e na páxina web de Agader
http://agader.xunta.es o resultado do proceso de selección dunha nova entidade colaboradora na xestión das subvencións para garantir o acceso da internet de banda larga vía satélite.
Os datos da entidade seleccionada xúntase a esta resolución como anexo I.
Santiago de Compostela, 13 de setembro de 2013
Antonio Crespo Iglesias
Director xeral da Axencia Galega de Desenvolvemento Rural
ANEXO I
Entidade colaboradora |
Enderezo |
Correo electrónico |
Teléfono gratuíto |
web |
Intermax Technology, S.L. |
Alexandre Bóveda nº 5 18500 Melide, A Coruña |
sat@intermax.com |
900 86 69 72 |
www.redintermax.com |