A Xunta de Goberno Local, na sesión que tivo lugar o día 6 de setembro de 2013, adoptou, entre outros, o acordo de aprobar inicialmente o estudo de detalle para a ordenación de volumes e fixación de condicións estéticas dun equipamento docente na Sardiñeira, A Coruña, promovido polo concello.
O estudo de detalle sométese ao trámite de información pública durante o prazo de vinte días hábiles, contados a partir do día seguinte ao da súa publicación, período durante o cal calquera interesado poderá consultalo e formular as alegacións que considere oportunas. A consulta pode efectuarse no Departamento de Planeamento da Área Municipal de Urbanismo (praza de Indalecio Prieto, 1-3), en horario laborable, de luns a venres, así como na páxina web do concello.
A Coruña, 10 de setembro de 2013
César de Jesús Otero Grille
Director de Urbanismo