Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: recuamento de LMT lugar de Ponte da Rocha.

Situación: concello de Santiago de Compostela.

Características técnicas:

Liña eléctrica de media tensión subterránea a 20 kV, dobre circuíto, cunha lonxitude de 80 m, en substitución dun tramo aéreo tripe circuíto LMT circunvalación a Santiago (expediente 10513), con orixe no paso aero-subterráneo proxectado no apoio nº 5 existente, condutor tipo 2RHZ1-2OL-12/20 kV 3(1×240 Al) e final no paso aero-subterráneo proxectado no apoio nº 5A proxectado; desmontarase un dos circuítos existentes, actualmente sen servizo.

Retensado da liña eléctrica de media tensión aérea existente a 20 kV, triple circuíto LMT circunvalación a Santiago, cunha lonxitude de 223 m, con orixe no apoio nº 3 existente, condutor LA-110, pasando polo apoio nº 4 existente e final no apoio existente nº 5.

Retensado da liña eléctrica de media tensión aérea existente a 20 kV, triple circuíto LMT circunvalación a Santiago, cunha lonxitude de 150 m, con orixe no apoio nº 7 existente, condutor LA-110, pasando polo apoio nº 6 existente e final no apoio proxectado nº 5A.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 24 de setembro de 2013

Susana Vázquez Romero
Xefa territorial da Coruña