No uso das competencias atribuídas a esta xefatura territorial, e en virtude do disposto nos artigos 71 e 59 da Lei 30/1992, de réxime xurídico das administracións públicas e do procedemento administrativo común (de agora en diante LRXAP-PAC), ao seren devoltas polo servizo de Correos as notificacións enviadas no seu día, cos requirimentos de documentación nos procedementos instados polos/as interesados/as, publícase mediante este edicto, de conformidade co disposto no artigo 61 da LRXAP-PAC, para que no prazo de dez (10) días contados desde o día seguinte á data da publicación deste edicto, presenten a documentación requirida, nas dependencias da Xefatura Territorial da Consellería de Traballo e Benestar en Vigo (Edificio Administrativo da Xunta de Galicia de Vigo; rúa Concepción Arenal, número 8, 1º andar); advertíndolles que, de non o facer así, se terán por notificados para os efectos que se sinalan ao pé deste edicto.

Vigo, 27 de setembro de 2013

María Peón Fernández
Xefa territorial de Vigo

ANEXO

Efectos por non acreditar a documentación requirida:

Paralizarase o expediente e, transcorridos tres (3) meses, producirase a súa caducidade, co arquivamento de todas as actuacións practicadas, de conformidade co establecido no artigo 92 da LRXAP-PAC (BOE número 285, do 27 de novembro de 1992), modificada parcialmente pola Lei 4/1999, do 13 de xaneiro (BOE número 12, do 14 de xaneiro).