O tenente de alcalde, responsable da Área de Medio Ambiente, Infraestruturas e Territorio, con data 2 de outubro de 2013, por delegación do alcalde a través de decreto con data do 13 de xuño de 2011, emite decreto no que se aproban os seguintes puntos:
«Decreto.
Primeiro. Incoar o expediente de expropiación e aprobar inicialmente a expropiación parcial do local comercial situado na rúa San Vicente de Paúl, 9, cuxa relación de bens e dereitos afectados é:
A) Propiedade afectada pola expropiación.
Ben: local comercial planta baixa.
Predio rexistral: 16.312, inscrito ao tomo 2551, libro 356, folio 73 do Rexistro da Propiedade número 4 da Coruña.
Titular rexistral: Sociedad Estatal Correos e Telégrafos, con CIF A83052407.
Tipo afección: parcial.
Superficie afectada: 6,56 m2.
Valoración: 15.417,05 €.
5 % premio de afección: 770,85 €.
Valoración total do prezo xusto: 16.187,90 €.
B) Otros dereitos afectados: indemnización por execución da obra do tabique.
Valoración de 10 horas extras de traballador de Correos, a 20 €/hora.
Total da indemnización: 200 €.
Segundo. En virtud do establecido no artigo 118.2 da Ordenanza de Conservación e Rehabilitación de Inmobles do Concello da Coruña, o expediente tramitarase polo procedemento de taxación conxunta.
Terceiro. O expediente someterase a información pública polo prazo dun mes mediante inserción de anuncio no Diario Oficial de Galicia e nun xornal dos de maior circulación da provincia e estará exposto na Oficina Municipal de Rehabilitación deste concello. Así mesmo, a taxación notificarase individualmente aos que aparezan como titulares de bens ou dereitos.
Cuarto. Requirir a comunidade de propietarios do edificio situado na rúa San Vicente de Paúl, 9 (CIF H15302425), en calidade de beneficiario do expediente expropiatorio que, con anterioridade á aprobación definitiva do expediente, efectúe un depósito ou aval bancario do 20 % da valoración que se aproba neste expediente, que ascende a tres mil douscientos setenta e sete euros con cincuenta e oito céntimos (3.277,58 €).»
O que se publica para efectos de inicio do trámite de información pública, de conformidade co artigo 143.2 da Lei 9/2002, do 30 de decembro, de ordenación urbanística e protección do medio rural de Galicia, que dispón:
«2. O proxecto de expropiación cos documentos sinalados será exposto ao público polo prazo dun mes, para que aqueles que poidan resultar interesados formulen as observacións e reclamacións que consideren convenientes, en particular, no que atinxe á titularidade ou valoración dos seus respectivos dereitos».
A Coruña, 5 de outubro de 2013
P.D.
Martín Fernández Prado
Tenente de alcalde responsable da Área de Medio Ambiente,
Infraestruturas e Territorio