Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: rúa Cidade de Viveiro, 4, 1º, 27002 Lugo.
Denominación: LMTS, CTC e RBTS para subministración eléctrica na avenida Duquesa de Lugo, 1.
Situación: concello de Lugo.
Características técnicas:
– Desprazamento dun tramo da LMTS Eroski con orixe na ST Ceao e final no CTC proxectado, cunha lonxitude de 70 metros en condutor tipo RHZ-240.
– LMTS a 20 kV en canalización existente e proxectada, con orixe no CTC proxectado e final nun empalme que se realizará na LMTS Eroski nunha arqueta especial existente, cunha lonxitude de 332 metros de condutor tipo RHZ-240.
– CT en edificio prefabricado tipo M1/10, cunha potencia proxectada de 2.000 kVA e unha potencia inicial de 630 kVA máis 400 kVA, no cal se instalan dúas celas de liña e dúas de protección, relación de transformación 20.000/400-230 V.
– RBTS formada por catro circuítos de 12 metros cada un, con orixe no CT proxectado e final nos módulos de medida.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 9 de outubro de 2013
José Manuel Vázquez Leirado
Xefe territorial de Lugo
