No uso das competencias atribuídas a esta xefatura territorial e en virtude do disposto nos artigos 71 e 59 da Lei 30/1992, de réxime xurídico das administracións públicas e do procedemento administrativo común (de agora en diante LRXAP-PAC), ao seren devoltas polo servizo de Correos as notificacións enviadas no seu día, cos requirimentos de documentación nos procedementos instados polos/as interesados/as, publícase mediante este edicto, de conformidade co disposto no artigo 61 da LRXAP-PAC, para que no prazo de 10 días contados desde o día seguinte á data da publicación deste edicto, presenten a documentación requirida, nas dependencias da Xefatura Territorial de Traballo e Benestar de Vigo (Edificio Administrativo da Xunta de Galicia de Vigo, rúa Concepción Arenal, nº 8, 1ª planta), advirtíndolles que, de non facelo así, se considerarán notificados/as para os efectos que se sinalan ao pé deste edicto.

Vigo, 19 de novembro de 2013

María Peón Fernández
Xefa territorial de Vigo

anexo

Efectos por non acreditar a documentación requirida: procederase á extinción da prestación concedida, de conformidade co establecido no artigo 32.1.c) en relación co artigo 23 da Lei 9/1991, do 2 de outubro, galega de medidas básicas para a inserción social (DOG nº 191, do 3 de outubro), parcialmente modificada pola Lei 1/1999, do 5 de febreiro (DOG nº 36, do 22 de febreiro), e pola Lei 16/2004, do 29 de decembro (DOG nº 254, do 31 de decembro) e demais normativa de desenvolvemento.