Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 237 Xoves, 12 de decembro de 2013 Páx. 47744

III. Outras disposicións

Axencia Turismo de Galicia

RESOLUCIÓN do 2 de decembro de 2013, da Dirección da Axencia Turismo de Galicia, pola que se ordena a publicación do Acordo do Consello da Xunta de Galicia do 28 de novembro de 2013 polo que se declaran festas de Galicia de interese turístico a Feira Franca Medieval de Betanzos, a Festa da Anguía e Mostra da Caña do País de Valga e a Festa da Vieira de Cambados.

En cumprimento do disposto no artigo 28 do Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, esta dirección dispón que se publique no Diario Oficial de Galicia o acordo adoptado polo Consello da Xunta na súa reunión do 28 de novembro de 2013, que a seguir se transcribe:

«Declarar festas de Galicia de interese turístico, de conformidade co establecido no Decreto 39/2001, do 1 de febreiro, de refundición en materia de Consello Galego de Turismo, declaración de municipio turístico galego e declaración de festas de Galicia de interese turístico, as seguintes:

– Feira Franca Medieval de Betanzos, que se celebra no segundo domingo do mes de xullo e toda a fin de semana correspondente, no concello de Betanzos (A Coruña).

– Festa da Anguía e Mostra da Caña do País, que se celebra na última semana do mes de agosto, no concello de Valga (Pontevedra).

– Festa da Vieira, que se celebra do 18 de xullo ao 21 de xullo, no concello de Cambados (Pontevedra)».

Santiago de Compostela, 2 de decembro de 2013

Mª Nava Castro Domínguez
Directora da Axencia Turismo de Galicia