Convocada pola Orde do 17 de outubro de 2013 (DOG nº 205, do 25 de outubro) a provisión, polo sistema de libre designación, dun posto de traballo vacante na Consellería de Economía e Industria, esta consellería, no uso das facultades e atribucións conferidas no artigo 17.4º do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e de conformidade co disposto no seu artigo 29.2º,
DISPÓN:
Primeiro. Resolver a convocatoria para a provisión, polo sistema de libre designación, dun posto de traballo vacante na Consellería de Economía e Industria, anunciado pola Orde do 17 de outubro de 2013 (DOG nº 205, do 25 de outubro).
Segundo. Adxudicarlle destino, no posto de traballo que se indica, á funcionaria que se relaciona no anexo á presente orde.
Terceiro. O cesamento no actual destino da funcionaria que obtivo a praza producirase no prazo de tres días contados a partir do seguinte ao da publicación desta orde no Diario Oficial de Galicia.
A toma de posesión da praza adxudicada deberá realizarse no prazo dos tres días seguintes ao do cesamento, se se trata da mesma localidade en que presta os seus servizos o/a funcionario/a, ou no prazo dun mes se se trata de distinta localidade, conforme o establecido no artigo 14 do Decreto 93/1991, do 20 de marzo e o disposto na base sétima da convocatoria.
O cómputo de prazos de posesión iniciarase cando rematen os permisos ou licenzas que, de ser o caso, se lle concedesen á persoa; no caso de incapacidade temporal a partir da data de alta.
Cuarto. O centro onde cause alta a funcionaria realizará a dilixencia de toma de posesión dentro dos prazos reflictidos no punto anterior.
Quinto. Contra esta orde, que pon fin á vía administrativa, os/as interesados/as poderán interpoñer recurso potestativo de reposición perante esta consellería no prazo dun mes, contado a partir do día seguinte ao da súa publicación, de conformidade co estabrecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán interpoñer recurso contencioso-administrativo ante o xulgado do contencioso-administrativo competente no prazo de dous meses contados a partir do día seguinte ao da súa publicación, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 10 de decembro de 2013
Francisco José Conde López
Conselleiro de Economía e Industria
ANEXO
Apelidos e nome: Ferreiro Rodríguez, Saida.
NRP: 7682141935 A1146.
Subgrupo: C2.
Denominación do posto: secretaria do Conselleiro.
Código do posto: IN.C01.00.000.15770.002.
Nivel: 20.
Dependencia: Gabinete do Conselleiro.
Localidade: Santiago de Compostela.