A Xunta de Goberno local, en sesión ordinaria do día 25 de novembro de 2013, acordou aprobar inicialmente o estudo de detalle para a ordenación de volumes en parcelas 11 e 12 da área de repartición AR-S2 Cancelo do Medio, redactado polo arquitecto Alfonso Suárez Alvite por instancia de Francisco Javier Losada López e Maira Suárez Cotelo, e suspender o procedemento de outorgamento de licenzas no ámbito afectado conforme o artigo 77.2 da Lei 9/2002, do 30 de decembro, de ordenación urbanística e protección do medio rural de Galicia. A expresión gráfica queda reflectida no plano de suspensión de licenzas que se xunta.

O expediente sométese a información pública por prazo de vinte días mediante anuncio que se publicará no Diario Oficial de Galicia e nun dos xornais de maior circulación da provincia, coa finalidade de que o que o desexe poida examinalo e deducir, durante o citado prazo, cantas alegacións ou observacións considere oportunas. Simultaneamente, notificaráselles individualmente a todos os propietarios dos terreos afectados.

Lugar de exposición do expediente: secretaría (1º andar Casa do Concello).

Horario: das 10.00 ás 14.00 horas.

A Laracha, 26 de decembro de 2013

José Manuel López Varela
Alcalde