Marta Yanguas del Valle, secretaria xudicial do Xulgado do Social número 1 de reforzo da Coruña, fago saber que no procedemento ordinario 459/2013 deste xulgado do social, seguido por instancia de María Evangelina Cambeiro del Valle contra a empresa José Luis Álvarez Blanco (La Bodeguilla del Seijo) sobre despedimento, ditouse a resolución cuxo encabezamento e parte dispositiva son do teor literal seguinte:
«Sentenza: 746/2013.
Xuíz: Javier López Cotelo.
Procedemento: reclamación cantidade 459/2013.
Demandante: María Evangelina Cambeiro del Valle.
Letrado: Sr. Pousada Duarte.
Demandado: empresa José Luis Álvarez Blanco (La Bodeguilla del Seijo).
Sentenza nº 746/2013.
A Coruña, 30 de decembro de 2013.
Resolvo:
Estimo a demanda formulada por María Evangelina Cambeiro del Valle fronte á empresa José Luis Álvarez Blanco (La Bodeguilla del Seijo) e, en consecuencia, condeno a esta a pagarlle á primeira a suma de 2.846,46 euros en concepto de cantidades salariais debidas.
Inscríbase esta resolución no libro de sentenzas e déixese testemuño dela no presente procedemento.
Contra esta sentenza non cabe recurso ningún.
Así o pronuncio, mando e asino, Javier López Cotelo.
Publicación. A anterior sentenza foi lida e publicada polo maxistrado xuíz que a subscribe no día da súa data, do que eu, a secretaria xudicial, dou fe».
E para que conste e sirva de notificación a empresa José Luis Álvarez Blanco (La Bodeguilla del Seijo), en ignorado paradoiro, expídese esta cédula para a súa publicación no Diario Oficial de Galicia e colocación no taboleiro de anuncios.
A Coruña, 30 de decembro de 2013
A secretaria xudicial